Menu

D Site vo de Wirfel

Hallo bi de Zämmegwirflete!

Mir sinn e bunt duurmischti Gligge us der Region Basel und hän au einigi Mitgliider us aller Wält. Mir kömme zämme zum gmeinsam die drey schönste Dääg z fyyre und gniesse. Aber mir sinn nid nur an dr Basler Fasnacht, sondern au an der Rynacher Fasnacht aktiv. Im Räscht vom Joor organisiere mir au e paar Usflüüg und Aaläss an dene vil glacht und guet gässe wird, wie öbbe am Bummel, bim Minigolfspiile, an der Poolparty, an der Herbschtmäss oder bim Wiehnachtsässe.

Bild: 2017-01/p1030625.jpg

Gründig vo der Gligge

Zum erschte Pfyffe sinn im Joor 1977 zu emene Kurs im Freizithuus Rynach e paar Wirfel zämme ko. Fünf vo de doomoolige Mitgliider, die sogenannte Urwirfel, sin no hüt derbi - Helga, Brigitte und Sibse als Pfyfferinne und der Gregi als Dailzyt-Dailnähmer berichere unseri Gligge mit ihrne Piccolo-Künscht, d Mirjam als zueverlässigi Vordräblere. Sit der Gründig hän d Wirfel zwei Obmänner und ei Obfrau gha: Bi der Gründigs-GV 1979 isch der Phillipe Rebetez gwäält worde, denn 1985 der Klaus Schärz. Der Klaus het im 2001 s Zepter unserer jetztige Obfrau, der Sibse Göttin, übergee und sithär dreit sie die hochehrwürdigi Lascht uff ihrne starke Schultere und führt d Wirfel mit exzellenter Balance durchs Vereinsjoor.

Geschrieben von Wirfel am Mittwoch August 10, 2016