Menu

D Site vo de Wirfel

Hallo bi de Zämmegwirflete!

Hesch Di gnärvt an der Faasnacht, oder isch d Faasnacht mit Dinere Gligge sowieso e Flopp gsii? :-O

Füülsch Di nümme wool in Dinere Gligge, oder möchtsch aifach der Goortèèsch nümme laufe und derfür mehr go gässle?

Oder sin in Dim Grüppli alli scho am elfi zoobe haime gange und Du wettsch gärn länger Fasnacht mache? :-D

Denn mäld Di grad bi uns.

Mer sinn e glains Grüppli Vordräbler und Pfyffer plus ai Drummlere und laufe mit vil Usduur in Rinach und in Basel, aber in Basel ebe kai Goortèèsch. Jedes zwaite Joor hän mir e Sujet und mache e Goschdym.

Aigentlig simmer e Rinacher Gligge, mir iebe immer am Mittwuche in Rinach, aber mit de Joore simmer internazional worde und ebe "zämmegwirflet". Duurs Joor organisiere mir e paar Usflüüg und Aaläss, mir mache e Bummel, gön go Minigolfspiile, an d Herbschtmäss und hän e Wiehnachtsässe. Ab und zue gits au emol en Uffdritt uf ere glaine Bühni.

Wenn de mee wotsch wüsse, lüt doch eifach aa. Mir fraie-n-ys!

Bild: 2017-01/p1030625.jpg

Geschrieben von Wirfel am Mittwoch August 10, 2016